Marc Giombetti

An dësem Artikel géif ech gären mat Iech meng Erfarungen awer och meng Frustratiounen am speziellen zur Energiewende zur Lëtzebuerg gi. Den Sujet Energiewende huet spéitstens mam Ukrain-Krich an den doraus resultéierenden extremen Energiepräisser eng ganz nei Aktualitéit krit! Mee ass et esou einfach, en Bäitrag zur Energiewende ze leeschten als Privatpersoun? Wéieng Administrativ Hürden gi et?, Néng Erfarung ass leider, dass d´Lage scheinbar nach net eescht genuch ass, an “Lëtzebuerg” et sech scheinbar leeschten kann ze träntelen.

Ech fannen et gutt, dass d Regierung mat diversen Primen d´Privathaushalter dozou encouragéiert, an erneierbar Energien ze investéieren. Allerdéngs gëtt et och en prakteschen Aspekt, den mat vill Bürokratie an suboptimalen Prozesser verbonnen ass. D´Zil vun dësem Artikel soll et net sinn en Shaming ze maachen vum Elektriker, dem Netzbedreiwer oder der Gemeng. D´Zil ass et, ob Ineffizienzen an den Prozesser hinzeweisen an Virschléi ze maachen wat een besser machen kann. Dovunner kann dann hoffentlech jiddereen profitéieren, deen an Zukunft eng Photovoltaik Anlage installéieren an un d´Netz uschléissen well.

Timeline: Vun der Idee bis zum Uschloss vun enger Photovoltaik Anlage

An dëser Timeline well ech Iech en chronologeschen Suivi vun den verschiddenen Schrëtter opweisen. Wei Dir gesitt, ass bei dem an Betrib huelen vun menger Photovoltaik Anlage deelweis enorme vill Zäit zweschend den Schrëtter vun der Demarche vergaangen. Des Verzögerungen déi eigentlech vermeidbar wieren, sinn menger Meenung no ob Ineffizienzen an Prozesser vun ëffentlechen Verwaltungen, dem Netzbedreiwer CREOS, an strukturellen Problemer zeréckzeféieren.

Erfahrung zur Baugeneemegung & Iwerleeung zur Stratégie

Wat mech am Speziellen bis zu dësem Punkt verwonnert huet, war den Disconnect zweschend der Gemengen, (dermadder indirekt dem Inneministère), den Ponts et Chaussées an den Bestriewungen vum Land zur Energiewende. Ech verstinn net, wisou eng Gemeng iwwert all eenzel Photovoltaik Installatioun tranchéieren muss, an eng Meenung zur Faarf fun Solarpannels muss hunn wann et Zil vum Land ass den Ausbau vun Solar Technologie virunzedreiwen an ze ënnerstëtzen. Ech géif nach verstoen, dass d´Gemeng en Matsprochrecht huet, wann se d´Anlage duerch en Subside géif ënnerstëtzen. Dat war bei menger Gemeng leider net den Fall. Ënnert dem Stréch wier eng acceleréiert Baugeneemegungs-Approche fir d´Installatioun vun PV-Anlagen ubruecht – besonnesch wann een d´Energiewende aktiv virun dreiwen well, wier dat en “low hanging Fruit”.

Installatioun fun der Photovoltaik Anlage

Zur Installatioun fun der Anlage get et un sech net vill ze soen. Des gouf nodems d Material all do war, schnell an professionel fun mengem Elektriker duerchgefouert. Des war bei wäitem den onkomplizeiertsten Schrett am ganzen Prozess.

D´Installatioun vun der Anlage an d Verkablung am Haus an an der Schalttafel war dermadder Mett November 2021 fäerdeg. Den Elektriker huet domadder den Prozess mat der Creos ugestouss, fir d Installatioun kennen an Betrib ze huelen. (Wei sech spéider erausstellen sollt, gouf et awer nach en klengen Problem)

Technesch Abnahme fun der Photovoltaik Installatioun fun dem Netzbedreiwer Creos

D´Creos als Netzbedreiwer muss all Photovoltaik Anlage dei un d Netz ungeschloss get ofhuelen. Dat mecht absolut Senn an den Prozess as hei ob der Website fun der Creos beschriwen.

Conclusioun & Verbesserungsvirschléi

Wei der mëttlerweil secherlech novollzéien kennt, war den ganzen Prozess extrem frustréierend an enttäuschend. Ech géif perséinlech vun mir soen, dass ech d Saachen gären schnell virun dreiwen, an mei “pushy” sin wei villäicht den duerchschnëttlechen Client. D´Energiewende ass awer eppes wat just kann global gepackt gi, an dofir as et wichteg, dass wann een sech decidéiert wellen eng Photovoltaik Anlage opzestellen, dass et der Persoun dann och sollt méiséilegst einfach gemaach gi dat ëmzesetzen. Dobäi geet et net just em finanziell Unräizer, mä et sollt schnell, onbürokratesch an pragmatesch geschéien kennen. Hei méng konkret Verbesserungsvirschléi:

• Vereinfacht Prozedur bei der Baugenehmegung fir eng PV Anlage. Et mecht keen Senn, dass all Gemeng iwert all eenzel Solaranlage trancheieren kann – an dat an dem Tempo wei sie grad kennen. Besonneg, wann d Solaranlag “just” ob engem Eenfamilienhaus oder Residence soll sin.
  
• Optimiséierung fun internen Prozesser beim Netzbedreiwer – Digitaliséierung kann hei am Speziellen hëllefen, fir eng méi effizient Handhabung vun dem ganzen Prozess mat den Terminer. Domadder kann en méi effizienten Scheduling erreecht gi.
  
• Bei mengem Netzbedreiwer der Creos géif ech proposéieren, déi Kontrakter déi mussen ënnerschreiwen gi kennen scho vill éischter an der Prozedur un den Client geschéckt gi. Sougesin hätt eleng dësen Schrëtt sécherlech d´Prozedur mindestens em een Mount verkierzt.
  
• Ech héieren iwwerall “zu Lëtzebuerg gëtt et vill ze wéineg fäeg Elektriker”. Hei as et un der Politik den Stellenwert fum Handwierk nees méi ze stäerken an den Jonken duerch entspriechend Ausbildungsweher an déi adequat Paien ze weisen, dass d´Handwierk dringend gebraucht gëtt. Dest ass sécherlech keng einfach Aufgab.

Et géif mech vun Iech interesséieren ob ech einfach nëmmen Pech am Prozess hat, oder ob sech meng Erfarungen mat Ären Erfarungen deelen. Ech ruffen heimadder all déi genannten Acteuren ob, sech dësem Sujet unzehuelen an Ineffizienten aus dem Wee ze schaffen. Soumat kann all Acteur en Konkreten Déngscht fir den Bierger maachen an hëllefen d´Energiewend ze acceleréieren.